Бугарското ВМРО ќе протестира пред зградата на ЕК во Софија за правата на Бугарите во Македонија

January 21, 2023
1 min read

Протестот го најави европратеникот од оваа партија, Ангел Џамбаски, кој инсистира и на итен прекин на преговорите на земјава со ЕУ

Членовите и симпатизерите на бугарското ВМРО денеска во 12 часот ќе протестираат пред зградата на Европската комисија во Софија во одбрана на правата на луѓето со бугарски идентитет во Северна Македонија, најави европратеникот од оваа партија, Ангел Џамбаски, пренесува БНР.

Тој инсистира на итна реакција на европските институции за, како што вели, систематското кршење на човековите права во земјава и инсистира на итен прекин на преговорите на Северна Македонија за членство во ЕУ.

Нападнатиот охриѓанец кој се идентификува како Бугарин, Христина Пендиков, вчера со владин авион на Бугарија беше пренесен од Охрид во Софија за понатамошно лекување. За случајот Бугарија упати и протестна нота до Северна Македонија, а нападот го осудија и претседателот Стево Пендаровски, премиерот Димитар Ковачевски и шефот на дипломатијата Бујар Османи.

За нападот на Пендиков, кој е секретар на бугарскиот клуб „Цар Борис Трети“ во Охрид, синоќа соопшти дека отворило истрага за 24-годишен охриѓанец кого го сомничи за кривично дело тешка телесна повреда.

„Осомничениот, на 19 јануари, во кафе бар во Охрид, пристапил до маса на која седело едно лице, го удрил по главата, упатувајќи му ги зборовите – ’не ти е срам да се пишиш Бугарин‘ и се оддалечил. Неколку часа подоцна, кога оштетениот излегол од кафе барот и се движел кон неговото возило, осомничениот заедно со уште две други непознати лица го пресретнале и го нападнале, удирајќи го по главата и телото и нанесувајќи му тешки телесни повреди опасни по живот“,

соопшти Основно јавно обвинителство (ОЈО) Охрид.

За осомничениот, обвинителството побара од охридскиот суд да му определи и мерка притвор.

ДРУГИ ПОВРЗАНИ ВЕСТИ:

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Ново издание на 360° – Интервју со Муцунски: Што ќе прави ВМРО-ДПМНЕ кога и Алијанса ќе влезе во власта?

Следно

На денешен ден почина македонскиот актер Душко Костовски

Latest from Blog

До 13 часот излезеноста 20,12 отсто

Излезеноста на локалните избори до 13:00 часот е 20,12 отсто, соопшти Државната изборна комисија (ДИК). Како што информира портпаролката на ДИК Радица Тодоровска Алексовска, до 13:00 часот се пристгнати податоци од 3

Фото: Том Хенкс фотографиран во јавен превоз

Славниот оскаровец, мегапопуларниот актер Том Хенкс се возеше со њујоршкото метро и уште еднаш покажа дека е една од најскромните холивудски ѕвезди. Актерот, чие богатство се проценува на 400 милиони долари, беше облечен

Конте: Примивме гол што сами го создадовме

Фото: Наполи Х Антонио Конте направи анализа по поразот од Торино од 1-0 во рамките на седмото коло во Серија А. „Во првото полувреме добро ја движевме топката и создадовме шанси, но

Почина основачката на образовната програма „Еразмус“, Софија Коради

Основачката на образовната програма „Еразмус“ Софија Коради, почина на 91-годишна возраст во Рим, Италија. Позната како Мама Еразмус, Коради испрати милиони млади луѓе да студираат низ Европа. Ја доби престижната американска стипендија
Go toTop