Одлуката била донесена доцна вечерта на 22 јули во парламентот во Софија. Владиниот предлог за испраќање на првата пратка тешка воена опрема во Украина ја поддржале 148 пратеника, а 52 гласале „против“. Асошиејтед прес го опиша потегот како пресврт во политиката на Бугарија
Бугарија се согласи да обезбеди околу 100 оклопни возила во Украина, што е прва испорака на тешка воена опрема од почетокот на руската инвазија во февруари 2022 година, објави Асошиејтед прес (АП).
Агенцијата го опиша потегот како пресврт во политиката на Бугарија.
Одлуката била донесена доцна вечерта на 22 јули во парламентот во Софија. Владиниот предлог за испраќање на првата пратка тешка воена опрема во Украина ја поддржале 148 пратеника, а 52 гласале „против“.
„Оваа опрема повеќе не е неопходна за потребите на Бугарија и може да биде сериозна поддршка за Украина во нејзината битка за зачувување на независноста и територијалниот интегритет на земјата по неоправданата и неиспровоцирана руска агресија“,
се вели во одлуката на парламентот на Бугарија.
Оклопните возила од советско производство беа испорачани во 1980-ите во Бугарија кога земјата тогаш беше сојузник на Советскиот Сојуз во Варшавскиот пакт.
На почетокот на јули годинава, украинскиот претседател Володимир Зеленски беше во посета на Бугарија каде се сретна со претседателот Румен Радев.
Воената помош за Украина беше водечка тема за време на разговорите, а средбата меѓу двајцата претседатели тогаш медиумите ја оценија за тензична со оглед на тоа што шефот на државата и врховен командант на бугарската армија, Румен Радев, се противи на секој обид неговата земја да ѝ додели воена помош на Украина.
Извор: 360stepeni.mk
