Британскиот министер Ахмед со реакција до Израел: „Насилството само поттикнува повеќе насилство“

April 5, 2023
1 min read

ЛОНДОН (АА) – Британскиот државен министер за Блиски Исток, Северна Африка и Јужна Азија, Тарик Ахмед, реагираше на нападот на израелските сили во џамијата „Ал Акса“, известува Анадолу.

Министерот Ахмед, во објавата на својот профил на социјалната мрежа Твитер, истакна дека кога се разбудил, бил шокиран од вознемирувачките слики од рацијата на израелските безбедносни сили во џамијата „Ал Акса“, во која се ранети голем број верници што се молеле во време на месецот Рамазан.

Британскиот министер Ахмед во врска со настанот на својот профил објави: „Насилството само поттикнува повеќе насилство. Светоста и статусот на светите места мора да се почитуваат и штитат.“

Укажувајќи дека рацијата во „Ал Акса“, како што се страхувало, поттикнала спирала на насилство, Ахмед повика на итна деескалација на тензиите.

– Што се случи?

Откако фанатичните еврејски доселеници по повод денот на Пасха повикале да се влезе во „Ал Акса“ и да се сече курбан, по молитвата терави, група Палестинци се засолниле во џамијата „Ал Акса.“

За време на сахурот, израелските сили спровеле рацијата во џамијата „Ал Акса“, спроведувајќи насилство врз Палестинците кои се засолниле во џамијата и го претвориле светиот храм во бојно поле. Упадот на израелските сили продолжил и по утринската молитва.

За време на рациите се приведени повеќе од 200 луѓе што се засолниле во џамијата.

По упадот на израелската полиција во „Ал Акса“, од Појасот Газа, кој е под опсада, истрелани се ракети во правец на Израел.

Портпаролот на израелската армија изјави дека во правец на градот Сдерот биле истрелани пет ракети, од кои четири биле уништени од системите за противвоздушна одбрана, а една ракета паднала на празно земјиште.

Како одоговор на ракетниот напад, израелски авиони извршија воздушни напади на две точки во западниот дел на Појасот Газа.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

MARKETING

MARKETING

Претходно

Активности за откривање и спасување на лицата од трговскиот брод што потона во близина на брегот на Анталија

Следно

Уставниот суд ја укина одлуката за ДУП-от во Карпош со кој се предвидува изградба на бензинска пумпа

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop