Бразил – Јапонија 2:1 е исходот од овој меч во кој видовме од се помалку, на крај големиот фаворит со голот на Мартинели во 90+5.минута големиот фаворит успеа да победи и да се пласира во 1/8 финалето.
Јапонија имаше водство од 0:1 по првото полувреме, но потоа следуваа головите на Каземиро и Мартинели за победа на Бразил.
Убав меч за гледање, шанси, три гола. Јапонија едноставно немаше сила а Бразил и тоа како се изнамачи за да дојде до победата.
Инаку како што и се очекуваше, Бразил тргна во напад уште од стартот на мечот. Иницијативата и поседот ја имаа момците на Дон Карло, но тоа беше јалово. Имаше закани и шанси, но немаше гол. Затоа мрежата се тресеше на спротивната страна за радост и еуфорија кај Јапонците. Се играше 29.минута кога Сано со гол на кариерата го шокираше составот на Бразил за водство од 0:1.
Со тој резултат се замина на одмор.
Во второто полувреме страшен притисок на големиот фаворит. Се редеа шансите за израмнување, ама голот дојде во 56.минута и тоа преку Каземиро за 1:1. Не минаа ни две минути кога Бразил преку Винисиус можеше да направи комплетен пресврт, ама го погоди левиот дирек на Сузуки, голманот на „Самураите“ кој праваше чуда на својот гол.
Следуваше период на мечот во кој Бразил напаѓаше, ама не со таа жестина како до пред голот на Каземиро. Бразилците не сакаа ништо да ризикуваат.
И тогаш дојде таа 90+5.минута кога Мартинели погоди од левата страна, за радост, за победа и за пласман на Бразил во 1/8 финалето.
Извор: vecer.mk
