Братот на фудбалерот Атсу од Хатајспор, со пријателите чека покрај урнатините: „Жив е, не губиме надеж“

ХАТАЈ (АА) – СУЛЕЈМАН ЕЛЧИН –

Роднините на Кристијан Атсу, фудбалерот на турскиот прволигаш Хатајспор, кој сѐ уште не е пронајден под урнатините на резиденцијата во Антакија, веруваат дека тој е жив, известува Анадолу.

Спасувачките тимови продолжуваат со претрагата и спасувањето на луѓето под урнатините на резиденцијата „Ренесанс“, каде што се наоѓаше и куќата на 30-годишниот фудбалер од Гана.

Исан Тваса, братот на Атсу кој пристигна во Хатај по земјотресот, неговиот менаџер Нана Сешере, пријателите и службениците од Конзулатот на Гана, со надеж чекаат покрај урнатините.

Тие секој ден рано наутро доаѓаат на тоа подрачје, ги следат работите и се молат за среќни вести.

Во близина на урнатините запалија оган за да се загреат, чекајќи да добијат каква било информација за Атсу.

Менаџерот Нана Сешаре за Анадолу изјави дека Туркије доживеала голема катастрофа.

„Со денови сме тука. Веруваме дека Атсу е жив. Сѐ уште се надеваме. Се обидуваме да го пронајдеме. Извлекуваат премногу тела. Се молиме тој да не е меѓу нив“, рече Сешаре.

Тој верува дека постои уште една можност освен дека Атсу е под урнатините.

Сешаре смета дека Атсу е во некоја болница или во кома во некое место.

„Сакаме неговата фотографија да се испрати во болниците. Можеби излегол од под урнатините по земјотресот, но во моментов е во кома. Можеби луѓето не го познавале Атсу. Секој што ќе го види, би требало да контактира со нас или АФАД. Сакаме да го пронајдеме“, истакна Сешаре.

Надеж дека е жив има и неговиот град Исак Твасам.

„Жив е, не губиме надеж. Нема да заминам додека не го пронајдам Атсу. Верувам дека ќе го пронајдеме жив“, додаде Твасам.

Спасувачките екипи на теренот и на 12. ден од земјотресот работат на пребарување и спасување на луѓето кои се под урнатините.

Два разорни земјотреси, првиот со интензитет од 7,7 степени по Рихтер, во понеделникот наутро во 4:17 часот по локално време, со епицентар во округот Пазарџик и вториот во 13:24 часот, со интензитет од 7,6 степени по Рихтер, со епицентар во местото Елбистан, ги потресоа јужните делови на Туркије. Епицентрите на земјотресите се регистрирани во турската област Кахраманмараш. Во земјотресот се погодени 11 турски области со повеќе од 13 милиони луѓе.

Во земјотресите досега животот го загубија 38.044 лица. Во овие земјотреси имаа катастрофални последици и во соседна Сирија, каде што загинаа повеќе од 3.600 лица, а над 14.000 се повредени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).