Томови книги, укоричени весници и списанија се распаѓаат. Влагата од ден на ден ги голта страниците во подрумските простории. Печатените изданија се чуваат и по ходници и магацини. Вработени за да да се стигнат до нив поминуваат низ вистински искушенија
Директорот на тетовската библиотека Махи Муртезани, вели дека друг избор немаат. Располагаат со три простории од околу 140 метри квадратни – чии полици не ги собираат над 120 000 книги, па голем дел од нив завршуваат во крајно мизерни услови.
Владата пред две години одлучи да ја дислоцира библиотека – во поранешните училници на тетовскиот универзитет, чии простории се претесни за богатиот фонд на книги и над 5000 читатели. Од установата се надеваат на решение на проблемот со изградбата на новата градска библиотека, за која од Министерството за култура – ветија што поскара изградба оти бил објект од капитално значење. Најавите се дека објектот ќе се финализира за две години – и истиот ќе има десет пати повеќе простории од постоечките.
И додека една деценија се чека изградбата на милионскиот проект градска библиотека – книгите и историски списи кои грижливо се чувале еден век полека исчезнуваат.
Извор: 24vesti.mk
