Тој седнал зад воланот на автобусот во 5 часот наутро на станицата Монпарнас во 15-тиот арондисман, додека возачот бил на пауза, објави „Ле Фигаро“.
Благодарение на системот за геолокација, автобусот бил откриен, а полицијата го уапсила крадецот половина час подоцна во 20-тиот арондисман во Париз.
Според транспортните власти, во автобусот немало патници во времето на кражбата, па затоа никој не бил повреден за време на нелегалното возење.
Канцеларијата на парискиот обвинител отвори истрага за да ги утврди сите околности на инцидентот.
Според првичната истрага, возачот на автобусот отишол на пауза, оставајќи го клучот во бравата за палење.
Во изјавата на обвинителот се додава дека човекот што го украл автобусот претходно не им бил познат на властите и дека бил бездомник.
Синдикалните претставници предупредија на леснотијата со која можат да бидат украдени вакви возила, додавајќи дека се потребни дополнителни безбедносни мерки за заштита на возниот парк, возачите и другите учесници во сообраќајот. Синдикалниот претставник Ахмед Берахал предложи воведување на специјални сервисни картички за никој да не може да го запали возилото и да го вози.
Извор: vecer.mk
