Битиќи: Уставниот суд стана арена за судир меѓу минатото и иднината

December 11, 2024
1 min read

„Во овој момент, во 9:30 часот, во судницата на Уставниот суд започнува необичен разговор на нашето општество со себеси, со различностите, кој може да биде дијалог како инклузивен процес или монолог како чин на исклучување. Ова е миг во кој се расправа за кохезијата на општеството, за неговите споделени основи. Во овие моменти, кога судницата станува арена на судир помеѓу историјата и визијата за иднината, свесни сме дека тоа не е само за законот или Уставот, станува збор и за тоа каква држава сакаме да бидеме“, напиша на социјалните мрежи Фатмир Битиќи, пратеник на СДСМ и поранешен вицепремиер.

Во својата објава Битиќи вели: „Македонија е татковина за сите нас. Таа не е само територија – таа е приказна за заеднички живот, за споделени предизвици во добро и лошо. И во таа заедничка приказна, јазикот е симбол на нашиот дух, нашето достоинство и нашата слобода“.

„Со почит кон македонскиот јазик, јас, како Албанец, го прифаќам неговото значење и вредност за македонскиот народ. Ја прифаќам и мудроста на Крсте Мисирков, кој рекол: „Да се откаже човек од својот народен јазик значи да се откаже тој и од народниот дух и од самиот себе си“. Овие зборови ме инспирираат да додадам дека истата таа вистина важи за сите јазици во оваа држава, без разлика на тоа кој јазик го зборуваме – македонскиот, албанскиот или било кој друг“, истакнува пратеникот Фатмир Битиќи.

Тој посочува дека „во овие моменти, кога самата можност за употребата на албанскиот јазик е доведена во прашање, свесен сум дека можеби утре некој ќе се обиде да го замолчи мојот глас. Но, јазикот е повеќе од зборови – тој е нашиот идентитет, нашето право да бидеме тоа што сме и нашата верба во еднаквоста. Да зборувам на албански јазик во оваа држава значи да верувам во заедничка татковина каде различностите се вреднуваат како богатство. Македонија е најсилна тогаш кога ги слуша сите свои граѓани – на сите јазици“.

„Македонија е нашата татковина. А татковината, како што секој од нас знае, не е само земја – таа е дом кој ги прифаќа и почитува сите свои деца, со нивните јазици, нивните култури и нивните идентитети. Употребата на мајчиниот јазик не е привилегија, тоа е фундаментално право што секоја инклузивна држава мора да го гарантира. Само кога сме отворени кон различностите, стануваме посилни и посплотени“, нагласува Битиќи.

Во својата реакција на социјалните мрежи пратеникот Фатмир Битиќи укажува дека „нашата иднина е во инклузивноста, во тоа да ја градиме Македонија за сите нејзини граѓани, каде што сите ќе се чувствуваат рамноправни и почитувани. Јазикот е клучот што го отвора срцето на татковината, а нашата заедничка должност е да ги почитуваме и зачуваме сите јазици што ја збогатуваат Македонија. Тоа е заедничката татковината за која се бориме. Тоа е иднината што ја заслужуваме“.

ИЗВОР: racin.mk

MARKETING

MARKETING

MARKETING

Претходно

(ФОТО-ГАЛЕРИЈА) САМО СКОПЈЕ Е ВО МРАК: Македонските градови блеснаа во новогодишен сјај – магија насекаде, освен во метрополата

Следно

Екс директорот на ЕСМ Васко Стефанов со лисици спроведен во Кривичен суд

Latest from Blog

Ханси Флик отпиша тројца играчи на Барселона

Според шпанските медиуми, веќе е јасно кои играчи нема да бидат во плановите на тренерот на Барселона Ханси Флик за следната сезона, а списокот веројатно ќе биде уште поголем. На листата на

Николоски: Од нула локомотиви, за шест месеци успеавме да вратиме 14 локомотиви и возови на македонските пруги

За само шест месеци успеавме да оспособиме 8 активни локомотиви за карго превоз и 6 патнички возови. Претходно имаше нула локомотиви и само еден воз. Тоа е разликата на нашето работење, истакна

Николоски: Годинава започнуваме со изградбата на автопатот Кичево – Букојчани, Скопје и Охрид целосно ќе ги поврземе со автопат

Започнуваме да градиме целосно нов автопат од Кичево до Букојчани. До напролет или до летото ќе избереме изведувач, во меѓувреме обезбедивме поволен кредит од ЕБРД и неповратни средства исто така од ЕБРД

И Македонија контра Трамп – потписник на поддршката за Меѓународниот кривичен суд

Македонија е меѓу 79-те држави кои изразија поддршка за независноста и непристрасноста на Меѓународниот кривичен суд (МКС), откако американскиот претседател Доналд Трамп воведе санкции против оваа институција. Според објавата на Министерството за

Пикот на грипот доаѓа на крајот од следната недела

Пикот на грипот се очекува кон крајот на следната недела алармираат докторите. Болничките кревети на Инфективна клиника се полни, речиси сите пацинети со инфлуенца на кои им треба болничко лекување се невакцинирани
Go toTop