Првиот човек на Регулаторната комисија за енергетика (РКЕ), Марко Бислимоски вели дека скопски Водовод уште минатата година побарал зголемување на цената на водата за над 30 денари.
– Со нашата одлука минималната тарифа за вода за Скопје предлагаме да биде 31,53 денари, тоа е минимално намалување, додека максималната тарифа изнесува 34,82 денари и повисока за девет проценти од постоечката цена која изнесува 32,87 денари, кажа Бислимоски.
жБислимоски кажа дека тарифите ќе бидат доставени до ЈП „Водовод и канализација“ – Скопје, и тие имаат право во рангот на минималната и максималната да формира цена и да ја достави на одобрување во советот на Град Скопје.
ИЗВОР: skopjeinfo.mk
