Универзитетскиот професор Мерсел Биљали, во Аргумент плус рече дека светот веќе се наоѓа во некаква војна. Според него изјавите на Трамп ја заплашуваат и Европската Унија, но и земјите од регионот.
„Јас мислам дека се наоѓаме во војна и тоа во некаква светска војна и тоа некаква Трета светска војна и војните не наликуваат на претходните затоа што сега имаме еколошка ситуација и многу економски се води и тоа е некаква војна, санкциите и рефлексите во некакви држави. Ако се анализира, многу експерти мислат дека секогаш после некаква пандемија се јавува некаква светска војна. Во услови на сиромаштија се појавуваат некакви спасители оратори кои се обидуват на некој начин да спасат и настануваат војни. После ковид имаме поместување, се создава сиромаштија, пад на животен стандард и се појавуваат популистите и имаат одредени верувања и кога ќе наидат на препрека сакаат да одат до крај“, изјави Биљали.
Тој објасни дека Европската Унија е сега во голема паника и страв.
„Сега ЕУ е во голема паника и голем страв за што ќе се случи, и порано не била функционална, колку и да се фалиме за безбедноста таму тоа е нефукнционално и затоа Европа се плаши. ЕУ не може да функционира без САД и сега прв пат се соочува со тоа“, рече Биљали.
Според него во моментов Балкант останува без никаква контрола и помош.
„Најлошо е што сега Балканот е оставен без никаков чувар, без никој што е заинтересиран. ЕУ е зафатена со други проблеми кои не може да ги реши, Баканот е без контрола. Имаме можни промени во Србија, дали ќе успеат или не, ќе видиме. Балканот е куќа без кучиња и никој не не чува“, додаде Биљали.
Извор: 24vesti.mk
