Постигнувајќи го водечкиот гол синоќа за Реал Мадрид во првиот четвртфинален натпревар против Челзи, Французинот Карим Бензема, дојде до бројката од 90 голови во Лигата на шампиони (ЛШ).
Реал пред 63.142 гледачи го совлада Челзи со 2-0, со головите на Бензема (21) и Марко Асенсио (74), додека со предност пред реваншот во Неапол се стекна и Милан, триумфирајќи 1-0 против Наполи на „Сан Сиро“ пред 74.742 гледачи со голот на Исмаел Бенасер (40).
На вечната листа на стрелци во ЛШ суверено води Португалецот Кристијано Роналдо, кој во елитното клупско натпреварување постигна 140 голови.
На второто место е Лионел Меси (129), а трет е полскиот голгетер Роберт Левандовски (91).
ИЗВОР: kurir.mk
