Бандата на Џими „Скарата“ владее со најопасниот град на светот, секојдневно гинат најмалку 20 луѓе

January 15, 2023
2 mins read

ОН проценуваат дека бандите убијци контролираат 60% од Порт-о-Пренс, поради што жителите на градот живеат во страв. Секое утро сте исправени пред прашањето, што ќе се случи кога ќе ја напуштите вашата куќа. Обичните луѓе се користат како „човечки штит“ и се убиваат, многумина се ограбени а нивните домови изгорени до темел“,

Секој ден, најмалку 20 луѓе се жртви на повеќе од 200 вооружени банди кои владеат со Порт-о-Пренс, најопасниот град на светот. Главниот град на Хаити е преплавен од криминал а жителите стравуваат за своите животи, соочени со опасноста при излегувањето од своите домови.

Во најсиромашната држава во западната хемисфера владее глад, има огромна инфлација и постојани политички превирања. Од 2021 година, по атентатот врз премиерот Жовенал Моиз во Хаити нема функционална влада. Неволјите се уште поголеми, ако се знае дека Порт-о-Пренс се наоѓа на трусно подрачје и многу често има земјотреси.

EPA-EFE/Johnson Sabin

„За Хаиќани, насилството кое го предизвикуваат бандите е исклучително сериозен проблем. Но, тие не знаат што да прават и како тоа да се реши“,

вели Самер Вокер од Глобалната иницијатива за борба против транснационалниот организиран криминал.

„Проблемот со бандите метастазира. Тие го контролираат главниот град и сите негови периферии“,

додава д-р Џемс Оливие од Универзитетот Винсен-Сен Дени, кој ги проучува бандите на Хаити.

Тој укажува дека огромниот број банди го претвориле Порт-о-Пренс во „забарикадирана метропола“ во која тие одлучуваат за животот или смртта.

Најопасна е бандата Г9, предводена од немилосрдниот тиранин Џими Шеризиер, познат како „Скара“.

Jimmy Cherizier, alias Barbecue
EPA-EFE/Orlando Barria

Иако самиот тврди дека прекарот го добил бидејќи мајка му била уличен продавач на пржено пилешко, сепак се смета дека бил именуван како „Скара“ откако станал познат по тоа што на своите противници им се одмаздувал така што ги палел живи.

Криејќи се под превезот на „човек од народот“ и „револуционер“, тој тврди дека води војна против елитата, но жителите на главниот град на Хаити за него велат дека воопшто не е тоа што се претставува, туку дека „Скара“ е грозоморен убиец и мачител кој неселективно осакатува недолжни луѓе.

Директно се поврзува со повеќе масакри врз сиромашни луѓе, а ниту еден хаиќанец не може да му го заборави четиридневно крваво дивеење во сиромашниот кварт Ла Салин, во кој пред неколку години беа убиени повеќе од 70 тамошни жители.

EPA-EFE/Johnson Sabin

„Вооруженото насилство достигна незамисливи и неподносливи нивоа“, предупреди уште минатата година Мишел Башелет, шефицата за човекови права на Обединетите нации во заминување.

ОН проценуваат дека бандите убијци контролираат 60% од Порт-о-Пренс, поради што жителите на градот живеат во страв.

„Секое утро сте исправени пред прашањето, што ќе се случи кога ќе ја напуштите вашата куќа. Обичните луѓе се користат како „човечки штит“ и се убиваат, многумина се ограбени и нивните домови изгорени до темел“,

вели Рената Сегура, заменик директор на Меѓународната кризна група за Латинска Америка и Карибите.

Киднапирањата се секојдневие а доколку не се плати откуп, лицата се убиваат. Голем број граѓани ги губат своите животи фатени во вкрстен оган додека бандите меѓусебно се опсипуваат со куршуми по улиците.

„Деца кои одат на училиште се чести жртви од заскитан куршум“, додава Сегура.

Во извештаите на Обединетите нации се вели дека вооружените банди не само што посегнуваат по животите, туку вршат силувања и други форми на насилство за да влеат страв, да го потчинат и да му нанесат болка на болка на локалното население.

EPA-EFE/Johnson Sabin

Во текот на минатата година, битките меѓу бандите ескалирале и се воделе жестоки судири за зголемување на територииите при што насилството и вознемиреноста се прелеале и врз претходно мирните населби.

Од јуни до септември ОН констатирале дека се извршени над 1300 убиства – во просек околу 20 дневно убиени, а илјадници биле принудени да ги напуштат своите домови.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Њукасл постави клупски рекорд по серија без пораз во Премиер лигата

Следно

ХОРОР: До смрт претепано мало дете, мајката-монструм лажела дека паднало по скали

Latest from Blog

Гвардиола: Во последните денови многу зборувавме за тоа какви треба да бидеме

фото: Manchester City (X) Пеп Гвардиола зборуваше по класичната победа на Манчестер Сити од 3-0 во дербито над Манчестер Јунајтед. Победата ја прекина серијата од два порази на „Граѓаните“ во Премиер-лигата, а

Божиновска: Македонскиот рубин добива институционална заштита

Министерството за енергетика, рударство и минерални суровини започна процес за официјална заштита на македонскиот рубин, соопшти министерката Сања Божиновска. На првиот состанок меѓу Министерството, Геолошкиот завод и Заводот за индустриска сопственост беа

Пожарот во Трубарево е целосно изгаснат, значително подобрена и состојбата во Дрисла

Пожарот во Трубарево е целосно изгаснат, а целата опожарена површна е затрупана со песок и земја, изјави попладнево директорот на Дирекцијата за заштита и спасување (ДЗС), Стојанче Ангелов. Изутрината на неколку места
Go toTop