Укинувањето на балансерот е направено, како што вети во текот на предизборната кампања ВМРО-ДПМНЕ, но во текот на кампањата на нивниот владин партнер, коалицијата ВРЕДИ, рекоа дека од Уставот ќе се избрише и терминот 20% за албанскиот јазик. Вицепремиерот Арбен Фетаи, прашан за ова, рече дека кога ќе се отвори Уставот ќе се обидат максимално да го избиршат и 20%.
„Ние постојано имаме кажано како АА и Коалиција ВРЕДИ за укинувањето на 20% за албанскиот јазик во Уставот. Верувам дека во првиот момент кога ќе се отвори Уставот за потребните измени за продолжување на европскиот пат за нашата земја, ќе направиме максимални напори конечно да се регулира и прашањето на дифиницијата 20% за албанскиот јазик во Уставот“, вели Арбен Фетаи.
Го прашавме и премиерот Хрситијан Мицкоски, кој во кампањата имаше изјавено дека македонските граѓани треба да се чувствуваат еднакви, а не како бројка. Тој рече дека оваа работа ќе ја остави во рацете на Уставниот суд, негирајќи дека слушнал за заложбата на владиниот партнер ВРЕДИ за 20%.
Законот за употреба на јазиците се однесува на јазикот што ги зборува заедницата која е над 20% во Македонија. Единствената заедница која го достигнува овој процент е албанската, но Законот не го спомнува тоа, а се нарекува „јазик што го зборуваат 20% од една етничка заедница“. Често се споменуваше од политичарите дека тоа треба да се смени во Уставот, да стои „албански јазик“, а не „јазик на 20%“, но досега ништо не е направено.
ИЗВОР: ТВ 21
