На крајот од НАТО-Самитот во Вилнус , американскиот претседател Џо Бајден порача дека сојузот е посилен, поенергичен и пообединет од кога било во својата историја. Бајден рече дека НАТО остана обединет за време на војната во Украина, додека рускиот претседател Владимир Путин се обложуваше дека конфликтот ќе ја растури алијансата, пренесува Си-ен-ен.
„Мислеше дека нашето единство ќе се распадне при првото тестирање. Мислеше дека демократските лидери ќе бидат слаби. Но, мислеше погрешно“.
рече Бајден.
Во завршниот говор Бајден потенцира и дека поддршката за Украина нема да ослабне.
„Ние нема да се откажеме. Го мислам тоа. Нашата посветеност на Украина нема да ослабне. Ќе се залагаме за слобода денес, утре и онолку долго колку што е потребно. Соединетите Држави изградија коалиција од повеќе од 50 нации за да се погрижат Украина да се брани себеси сега и во иднина“
се дел од пораките на Бајден.
Извор: 360stepeni.mk
