Бајден нареди построги контроли за купувачите на оружје

March 15, 2023
1 min read

САД ги имаат некои од најслабите закони за оружје во споредба со другите индустриски развиени земји. Со повеќе од 40 000 смртни случаи од оружје во САД годишно, Бајден се надева дека гласачите на претседателските избори во 2024 година ќе поддржат засилена контрола на оружјето

Американскиот претседател Џо Бајден воведе извршна наредба со која се зајакнуваат проверките на потеклото на купувачите на оружје и правилата кои дозволуваат на потенцијално опасно лице привремено да му се одземе огненото оружје.

Според Бајден, ова е најсеопфатната политика што претседателот може да ја донесе без Конгресот.

Целта на наредбата е да се зајакне поддршката на федералната влада во обидот да се спречи продажбата на оружје кое се смета за опасно со закон. Наредбата на Бајден, исто така, поттикнува безбедно складирање на оружје и бара од Федералната трговска комисија да истражи како производителите продаваат огнено оружје, особено на малолетници. Одредбата предвидува и финансирање на сојузните држави за спроведување на т.н. закони со црвено знаме со кои на осудените домашни насилници им се забранува да купуваат оружје.

„Мојата извршна наредба го упатува мојот државен обвинител да ги преземе сите можни законски дејствија за да нè придвижи што е можно поблиску до универзални проверки на позадината на потеклото на оружје без ново законодавство“,

рече Бајден.

Со повеќе од 40 000 смртни случаи од оружје во САД годишно, Бајден се надева дека гласачите на претседателските избори во 2024 година ќе поддржат засилена контрола на оружјето.

Агенцијата Ројтерс пишува дека нејзината анкета спроведена заедно со Ипсос минатата година, покажала оти 84 отсто од испитаниците поддржале проверка на потеклото за сите продажби на огнено оружје, а 70 проценти од испитаниците ги поддржале и законите со црвено знаме. Анкетата, додава Ројтерс, е спроведена откако лани во учишиште во Тексас маж уби 19 ученици и двајца наставници.

САД ги имаат некои од најслабите закони за оружје во споредба со другите индустриски развиени земји и најмногу оружје во светот – 390 милиони или 1,2 пиштоли по глава на жител. 

Околу 43 000 Американци годишно умираат од вооружено насилство или повеќе од 116 луѓе во просек секој ден.

Извор: 360stepeni.mk

MARKETING

MARKETING

Претходно

Големи проблеми за Клоп пред реваншот со Реал во ЛШ

Следно

Бразилскиот претседател Лула нема да оди ниту во Русија, ниту во Украина

Latest from Blog

Хоспитализиран тренерот на Аталанта

Хрватскиот стратег на клупата на Аталанта, Иван Јуриќ, го пропушти почетокот на подготовките на калчолигашот поради здравствени проблеми. Аталанта соопшти попладнево дека здравствената состојба на Јуриќ се подобрува и се очекува наскоро

19 годишна девојка итно хоспитализирана, братот (23) случајно ја застрелал додека и го покажувал пиштолот

Девојка (19) е ранета денес во пукотница што се случила во близина на Универзитетот во Нови Пазар, откако нејзиниот брат Д. А. (23) испукал куршум од пиштол и случајно ја погодил, јавува

Шукова најизвесно решение на Бихаќка за град Скопје, откако „извиси“ Ралев

Машко-женски дуел за главниот град откако „пукна „тиквата меѓу Венко Филипче и Мишко Ралев кој беше речиси извесно решение  на Бихаќка за трка во Скопје, според висок партиски функционер, речиси е извесно
Go toTop