ИСТАНБУЛ (АА) – Американскиот претседател Џо Бајден денес во ненадејната посета на украинскиот главен град Киев најави нов пакет воена помош за Украина во вредност од 500 милиони долари, јавува Анадолу.
„Заедно, обезбедивме речиси 700 тенкови, илјадници оклопни возила, 1.000 артилериски системи, повеќе од два милиони куршуми артилериска муниција, повеќе од 50 напредни ракетни системи за лансирање, системи за противбродска и противвоздушна одбрана. Сѐ за одбрана на Украина. И тоа не спаѓа во другите половина милијарда долари што ќе ви ги дадеме денес и утре“, рече Бајден на прес-конференција со неговиот украински колега Владимир Зеленски.
Бајден најави испорака на артилериска муниција за ХИМАРС и хаубици, како и противтенковски ракетни системи Џавелин, радари за надзор, со цел да се „заштити украинскиот народ“.
Бајден, исто така, истакна дека Вашингтон подоцна оваа недела ќе прогласи дополнителни санкции за руските компании и елити што се обидуваат да ги избегнат санкциите наметнати на Москва, велејќи дека неговото присуство во Киев ја покажува американската поддршка за независноста, суверенитетот и територијалниот интегритет на Украина.
Зеленски рече дека преговорите меѓу него и Бајден биле многу плодни и дека нивните резултати ќе се одразат „на бојното поле“.
„Разговаравме и за оружјето со долг дострел и за оружјето што сè уште може да ѝ биде доставено на Украина, иако претходно не беше доставено“, рече тој.
Бајден пристигна денес во Киев во ненајавена посета, по два месеци откако Зеленски отпатува во САД во неговата прва странска посета во странство.
Извор: www.aa.com.tr
