Кудус од Ајакс постигна фантастичен гол и го соблече дресот за да му одаде почит на Атсу, но сите зборуваат за потегот на судијата

1 min read

Ајакс победи против Спарта со 4:0 и ја продолжи потерата кон првото место на табелата во Холандија, но она за што зборуваат сите во оваа земја е реакцијата која ја имаше судијата по последниот погодок на овој меч.

Мохамед Кудус постигна фантастичен гол од слободен удар и ги постави конечните 4:0, но за време на прославата на голот, реши да му одаде почит на својот сонародник од Гана.

Кристијан Атсу го загуби животот во катастрофалниот земјотрес во Турција и неговото безживотно тело за жал беше пронајдено после 12 дена, поради што Кудус реши својот погодок да го посвети на поранешниот фудбалер на Челси и Њукасл.

Фудбалерот на Ајакс го соблече дресот и на маицата под него имаше порака за Атсу, која овојпат го трогна и главниот судија на натпреварот.

Во вакви ситуации, судиите ги следат правилата и стандардно покажуваат жолти картони, но Ван Бокел го заобиколи законот и наместо да покаже опомена, го прашуваше емотивниот Кудус дали е добар.

– Ние имаме наши фудбалски правила, но ова е над фудбалот. Животот и смртта се над фудбалот. Судијата ми пријде, ми порача дека не е дозволено да го правам тоа, но ми додаде дека сфаќа дека тоа е поголема ситуација од фудбалот. Голем респект од мене до судијата, – порачал Кудус по средбата.

ИЗВОР: kurir.mk

Прикажи све
Претходно

ВИДЕО: Полициски кучиња влегоа во затворот во Идризово, се претресуваа ќелиите, еве што е пронајдено
Следно

Бајден најави дополнителен воен пакет од 500 милиони долари за Украина

Latest from Blog