Последната одлука на Уставен суд за укинување на барањето за декларирањето на етничката припадност при вработување, беше донесена само со гласови на судии Македонци и покрај тоа што двајца судии Албанци и еден судија Турчин, беа против. Еден од нив е судијата Осман Кадриу, кој во Дејли Клик на ТВ21 рече дека тие беа надгласани за прашање кое е во врска со немнозинските заедници. Нарекувајќи ја одлуката нелегитимна и неуставна, Кадриу ја нагласи потребата за воведување на механизам за двојно гласање во Уставен суд, исто како што има „Бадентер“ и во Уставен во иднина да нема надгласување.
„И во Уставен суд доколку се предвидуваат овие закони да се спроведе механизам кој ќе спречи надгласување и тогаш ќе биде разумно. Не може да се спроведе доколку не може да се предвиди, тоа правно средство не е предвидено со Устав, а треба да се предвиди со Устав“, вели Осман Кадриу.
Албанските партии, прашани во врска со тоа, велат дека се ЗА воведувањето на ваков механизам и во Уставен суд.
Пратеничката од коалицијата ВРЕДИ, дел од парламентарното мнозинство, Саранда Имери, рече дека двојното гласање е потребно за да нема надгласување.
„Тоа е неопходно бидејќи и во Уставен и во другите државни органи, каде има мнозинство на македонската заедница, ние како Алабнци сме надгласани и немаме што да правиме. Зошто, на пример во МАНУ имаме само двајца Албанци?! За 20 години не сме успеале да вработиме повеќе Албанци“, вели Саранда Имери.
Илир Хасани, пратеник од редовите на ДУИ, смета дека е срамно да се надгласа врз етничка основа во држава која цели интеграција во ЕУ.
„Уставниот суд како највисока институција да ја донесе работата до таа точка да се надгласува на етничка основа, срамно е за една демократска држава која цели кон Европската унија, а бесмислено е да има моноетнички гласови и да ги дели членовите на Уставниот суд за проблем кој е моноетнички. Како и да е, мора да поставиме заштитни механизми, како ќе го направиме тоа, ќе ги искористиме сите потенцијали што ги имаме како ДУИ“, вели Илир Хасани.
За да се реализира тоа би биле потребни уставни измени во Собранието кои се спроведуваат со 80 гласови на пратеници.
ИЗВОР: ТВ 21
