Градоначалничката на Град Скопје Данела Арсовска го разреши директорот на Улици и Патишта, Ванчо Умленски. Засега не се познати причините за неговото разрешување.
Умленски беше на функцијата пет месеци.
Арсовска, за време на мандатот, досега разреши над 30 директори на јавни претпријатија и тројца секретари, кои самата ги постави на тие функции.
Неодамна во јавноста се појави писмо (23, септември, 2024 го) на вработени во ЈП „Улици и патишта“ во кое пишува:
Неправилности нотирани на последната седница на Управниот одбор влезени во записник. Се работи за следново:
1. Работа на претпријатието – изградба на објекти во последните три месеци без договори во вредност од 60 милиони денари. Истите средства претпријатието не е во можност да ги фактурира на Град Скопје бидејќи нема договори. За изведба на работите налози се дадени од Арсовска и Глигоров со што е направена директна штета во износ од еден милион евр
2. Изведба на објект Луна Парк – патеки од бекатон во вредност од 15 милиони денари изведени во периодот од април до август 2024, а договорот е потпишан во септември на износ од 7 милиони денари. Врз инженерите и надзорите се врши притисок од страна на директорот и секретарот на Град Скопје за потпишување на градежните книги, иако тоа е надвор од законските прописи.
3. Задолжување на претпријатието кон добавувачи во износ од 240 милиони денари (4 милиони евра) и неплаќање на обврските кон добавувачите, односно постои селективно плаќање на обврските како во случајот со Пуцко Петрол. За споредба, долгот на ЈП Улици и патишта Скопје во октомври 2021, кога Арсовска стапува на функција градоначалник на Град Скопје, изнесувал 60 милиони денари. Од ова може да се заклучи дека долгот за три години е зголемен четири пати.
4. Побарувањата на ЈП Улици и патишта по основ на активни договори со Град Скопје денес изнесуваат НУЛА денари, додека во октомври 2021 побарувањата од Град Скопје биле 100 милиони денари.
5. Доведено е во прашање функционирањето на претпријатието преку неможноста да се исплати плата и неможноста да се набават репроматеријали (битумен, ризла, тампон, рабници, боја…). Поради неплаќање на обврските на Град Скопје кој ЈП Улици и патишта, освен набавката на репроматеријали, не постои можност ниту да се поправат дефектите на градежните машините. Во надеж дека веста ќе биде објавена пред седницата на Управниот одбор најавена за утре,
Вработени во ЈП Улици и патишта Скопје
ИЗВОР: racin.mk
