„Се наоѓаме во Арачиново, поточно кај централната џамија. Како што гледате, овој пат со месеци е во ваква состојба по изградбата на атмосферската канализација“, вели репортерката на ТВ21.
Голема прашина, чакал и парчиња асфалт, а автомобилите едвај поминуваат.
Откако беше изваден асфалтот за да се постави атмосферската канализација, патиштата останаа уништени и полни со дупки. Жителите се жалат дека им се расипуваат автомобилите и бараат алтернативи за да го избегнат овој пат.
„Овој пат е уништен скоро една година, никој не се интересира! Отидов на аџилак, се вратив, мислев дека ќе го најдам среден, но не го најдов. Еден месец како сум се вратил – ништо! Имам три коли, тука моите коли ниту еден ден не поминуваат, сите одат од таму долу или се качуваат горе и повторно се враќаат долу.“, велат граѓани.
Градоначалникот на Арачиново, Ридван Ибрахими, изјави дека се во последната фаза со интервенциите за канализацијата, додавајќи дека наскоро завршува и постапката за јавна набавка што го опфаќа асфалтирањето.
„На тој пат реализиравме неколку фази на инфраструктурна интервенција. Најпрво ја средивме атмосферската канализација и ја реконструиравме водоводната мрежа затоа што тоа беше една од најкритичните точки на мрежата, каде што се јавуваа најчестите дефекти, и тоа беа две завршени фази. Моментално сме во последната фаза, овие денови течат законските рокови за јавна набавка што опфаќа целосно асфалтирање на улицата 14 и пешачка патека.“, вели Ридван Ибрахими.
Денеска во Арачинoво беше и првиот вицепремиер Изет Меџити, кој рече дека Владата издвојува 53 милиони денари за патиштата и улиците во Арачиново и дека сигурно и овој пат ќе биде опфатен со тие средства.
ИЗВОР: ТВ 21
