Апелација пресуди поголеми казни за обвинетите во случајот „Ласкарци“, за автобуската несреќа од пред шест години во која имаше 16 жртви и над 30тина повредени. На сопственикот на компанијата „Дурмо турс“, обвинетиот Дурмиш Белули,Апелација му ја зголеми казната од четири на десет години.
Исто така и на одговорниот за транспорт во фирмата Ремзи Мифтари од шест на десет години затвор. За двајцата вработени во станицата за технички преглед, Игор Ѓорѓиевски и Горан Дуковски казната е зголемена од пет на по седум години затвор. На возачот Мануил Трифуновски повисокиот суд му ја потврди казната од 14 години затвор.
– Апелација ги одби како неосновани жалбите на сопственикот на компанијата „Дурмо турс“, обвинетиот Дурмиши Белули, како и на тројцата вработени во станицата за технички преглед Игор Ѓорѓиовски, Горан Дуковски и Јане Боваровски, а делумно ги уважи жалбите на одговорниот за транспорт во фирмата, обвинетиот Ремзи Мифтари и возачот на автобусот Маноил Трифуновски. – Апелационен суд Скопје.
Според пресудата, првообвинетите Белули и Мифтари не се придржувале кон безбедносните прописи, дозволувајќи технички неисправен автобус да учествува во сообраќајот, што предизвикало опасност за животот на патниците. Тројцата вработени во станицата за технички преглед, дозволиле автобусот неисправен да помине на технички, а возачот Трифуновски, свесен за неисправноста на возилото, го управувал автобусот со 55 патници и удрил во металната ограда поради невнимание. Роднините на загинатите и повредените можат да бараат отштета во парница пред Граѓанскиот суд.
Извор: 24vesti.mk
