Андреевски: Уметноста не познава граници, нејзиниот јазик е универзален

April 26, 2023
1 min read

Секогаш потенцирам дека уметноста не познава граници и дека нејзиниот јазик е универзален, вели за дописничката на МИА од Атина ликовниот уметник Сергеј Андреевски по повод неговата прва самостојна изложба во солунската општина Каламариа.

Изложбата „Неизложени дела на хартија“ во петокот беше свечено отворена во Солун, во присуство на голем број посетители, а уметникот, пренесувајќи ги неговите впечатоци вели дека е задоволен и од отворањето и од реакциите на посетителите.

-Интересот на публиката е голем, а особено се радувам на пораките што беа испратени на самото отворање од страна на генералниот конзул на нашата земја во Солун, Дејан Ѓучиќ, од претставникот на советничката група на општината Каламариа, Паскалис Лемонис и од Харис Савидес, меѓународно етаблиран архитект и фотограф од Атина којшто говореше за моето творештво и мојата мисија да ги обединувам луѓето преку културата. Имено и јас секогаш потенцирам дека уметноста не познава граници и дека нејзиниот јазик е универзален. А јас, и кога создавам, тоа го правам спонтано, искрено, без калкулации. Особено сум задоволен од искрените комплименти на посетителите коишто преку моите дела „пропатуваа“ низ светот и моите инспирации, истакнува уметникот Андреевски за МИА.

Објаснува дека ова е негово прво самостојно претставување во Грција по поканата добиена од советникот за култура на градоначалникот, Макис Батијанис, а во име на општината Каламариа, но посочува дека сепак, неговото творештво не ѝ е непознато на грчката ликовна критика.

-Во 2002 година учествував на групна изложба со наслов: „Европска современа уметност – уметноста на балканските земји“, која беше организирана од Државниот музеј на современа уметност, Солун, во соработка со соодветни институции од други балкански земји. Во јуни 2004 година, по повод и непосредно пред официјалното отворање на Олимписките игри во Атина, јас бев избран од Такис Мавротас, врвен критичар од грчката културна сцена, како единствен претставник од земјава во мултикултурниот проект „Нашите соседи“, вели Андреевски.

Делата на македонскиот ликовен уметник Сергеј Андреевски во Солун ќе бидат изложени до 29 април

Реализацијата на проектот е овозможена од Министерство за култура на Република Македонија.

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ИЗВОР: republika.mk

MARKETING

MARKETING

Претходно

Интер се засилува од Јувентус

Следно

Османи-Садриу за формирањето на ЗСО: Косово ќе ги следи најдобрите европски стандарди за правата на малцинствата

Latest from Blog

Бројот на убиени Палестинци во Газа достигна 52.400, израелските напади продолжуваат со несмалено темпо

АНКАРА (АА) – Најмалку уште 35 Палестинци се убиени во израелските воздушни напади врз Газа во последните 24 часа, со што билансот од геноцидната војна на Израел од октомври 2023 година досега

Се огласи првата антикорупционерка Димитровска: Разговарав со семеен пријател кој подоцна стана обвинет во „Адитив“

Татјана Димитровска, претседателката на Државната комисија за спречување на корупција, е обвинета дека откривала службени тајни во обвинет во „Адитив“, се огласи на јавноста. Таа кажа дека со обвинетиот имала само пријателска

Руски претставник во ОН: Подготвени сме за директни преговори со Украина

Постојаниот претставник на Русија во Обединетите нации, Василиј Небензја, изјави дека Русија, „и покрај проблемот со легитимитетот“ на украинскиот претседател Володимир Зеленски, е подготвена за директни преговори со Украина. Тој додаде дека

ДЗР: Констатирани неправилности и системски слабости во работата на Основниот суд во Гостивар

Повеќе нерегуларности и системски слабости покажала Ревизијата на финансиски извештаи и ревизија на усогласеност на Основниот суд Гостивар што ја направил Државниот завод за ревизија. -Констатирано е отсуството на одредби за утврдување
Go toTop