Мала подморница со пет лица, која се упатила кон дното на Атлантскиот океан, изгубила контакт со својот матичен брод „Полар принц“ во неделата еден час и 45 минути откако потонала
Во подморницата која исчезна во северниот дел на Атлантикот по нуркањето кон потонатиот брод Титаник, останаа само „околу 40 часа“ кислород, соопштија денеска припадници на американската крајбрежна стража.
На прес-конференција во Бостон, на североистокот на САД, капетанот Џејми Фредерик исто така рече дека потрагата на американската крајбрежна стража, поддржана од Канада, досега не дала „никаков резултат“ во пронаоѓањето на подморницата и нејзините пет патници.
Мала подморница со пет лица, која се упатила кон дното на Атлантскиот океан, изгубила контакт со својот матичен брод „Полар принц“ во неделата еден час и 45 минути откако потонала.
Крајбрежната стража спушти брод управуван од далечина во длабочините во потрага по последната позната локација на исчезнатата подморница.
Капетан Џејми Фредрик рече дека мислите и молитвите на крајбрежната стража се со семејствата на петте члена на екипажот на исчезнатата подморница наречена Титан и дека тимовите, вклучително и американската крајбрежна стража, американската морнарица и Канада, работат деноноќно.
Тој изјави дека спасувачките екипи пребарале површина од над 19 000 квадратни километри.
Меѓу патниците во малата подморница се и двајца британски државјани со пакистанско потекло, бизнисменот Шахзада Давуд и неговиот син Сулеман, британскиот милијардер Хамиш Хардинг и францускиот истражувач Пол Анри Нарголе.
Извор: 360stepeni.mk
