Алегри за својата реакција по голот на Данило: И јас сум човек, ни го одземаа тоа што го стекнавме на теренот (Видео)

Масимилијано Алегри обично е доста прибран кога Јувентус постигнува погодоци, но вчера тоа не беше случај во моментите кога Данило израмни на 3:3 во трилерот против Аталанта.

Во мечот со многу подеми и падови на двете страни, Јувентус и Аталанта на крајот одиграа нерешено и ги поделија бодовите, но во фокусот на италијанските новинари се најде еуфоричната реакција на Алегри.

Тренерот на Јуве во нормални услови е мирен и не реагира еуфорично на постигнати погодоци, но вчера направи исклучок по голот за 3:3 во вториот дел.

– И јас сум само човек. Се обидувам да останам мирен, но сепак сум само човек. Во вакви проблематични ситуации, сакав да прославам за моите момци. Тие се неверојатни, без оглед на тоа дали победуваат или губат, никогаш не изостанува посветеност, – изјави Алегри, кој смета дека Јувентус е сериозно оштетен со одземените 15 бода на табелата.

– Мора да продолжиме да работиме. Пред неколку дена бевме трети, сега сме десетти на табелата. Се чувствуваме како некој да ни одземал нешто за кое се изборивме на теренот, – изјави Алегри.

Allegri after Danilo’s equalizer 😂pic.twitter.com/TlfuV7hrLP

— Juve Canal (@juve_canal) January 22, 2023