реклама
Албанската опозиција Манифестот потпишан од 12-те партии од парламентарното мнозинство го гледа како политички театар и обид за манипулирање со јавноста, како залог за поддршка на преговорите за целосна интеграција на земјата во ЕУ.
Од Движење Беса велат дека овој манифест е едноставно обид за манипулирање со јавноста. Според нив, има многу други прашања што треба да се решат во Македонија, а потоа самата ЕУ ќе ги отвори вратите за членство.
реклама
„Таканаречениот манифест не е ништо друго туку обид за манипулирање со јавноста, а во пракса постапуваат против членството во ЕУ и вредностите на ЕУ. Се додека од една страна се потпишуваат само хартии, или од друга страна се зголемува корупцијата и богатењето на членовите на семејството на Ковачевски и Ахмети, ЕУ ќе не држи подалеку и ќе остане само сон“, велат од Беса.
Од Алтернатива за ТВ21 велат дека Манифестот не е неопходен бидејќи се потребни дела за евроинтеграции, а ставовите на партијата се повторени илјадници пати.
реклама
„Немаме причина да афирмираме нешто што сме го изјавувале илјадници пати. Евроинтеграцијата не е прашање на декларација и манифест, туку определеност и акција“, посочи Зекирија Ибрахими.
Изет Меџити, кој наскоро ќе го формира Демократското движење, за ТВ21 вели дека се е политички театар и обид да се прикријат неуспесите.
реклама
„Политички театар. Неуспесите и скандалите сакаат да ги покријат со ПР на криза. Еднаш си даваат оставки, еднаш си потпишуваат манифест меѓу себе“, вели Изет Меџити.
Инаку, партиите од парламентарното мнозинство преку овој Манифест сакаат да создадат единство за европскиот концепт и сите политички партии да поддржат и да придонесат за полноправно членство во Европската Унија. „Со предлогот на манифестот изјавуваме дека ќе се заложиме за реализација на сите обврски кои произлегуваат од политичките критериуми за членство во ЕУ“, се наведува меѓу другото во Манифестот на 12-те политички партии на власт.
реклама
