Албанската опозиција со еден пратеник помалку? – Исмаили: Чекам да се смири ситуацијата, ќе има оддалечување или зближување

Пратеникот Хисни Исмаили поканет на емисијата 10 минути во ТВ21 зборуваше за последните случувања во опозициската партија ААА, како и за неговите односи со претседателот на оваа партија, Африм Гаши. Исмаили рече дека ги замрзнал активностите и не учествува во состаноците на раководството. Што се однесува до тоа дали во иднина ќе делува како независен или како пратеник на ААА, истакна дека останува да видиме како ќе тече дебатата во партијата.

Х.И.: Кога немаме контакти, мојот глас останува независен и го презентирам електоратот кој ме избра, односно огранокот Тетово.

Н: И со ова велите дека албанската опозиција има еден пратеник помалку?

Х.И.: Ќе видиме како ќе се развиваат работите, ќе има зближување или оддалечување.

Н: Значи чекате конечно да се дефинираат?

Х.И.: Дебатата продолжува, можеби пред малку се изразив како да е војна, но тоа е дебата, разговор, ќе видиме како ќе се развиваат работите, дали ситуацијата ќе се смири, ќе има зближување или оддалечување.