Актер од „Пиратите од Карибите“ убиен од ајкула

Актерот од „Пиратите од Карибите“ Тамајо Пери почина откако беше нападнат од ајкула додека сурфаше на Хаваи.

Актерот (49) починал во неделата попладне, потврдиле службите за итна помош во Хонолулу на прес-конференција, пренесува Би-би-си.

Службите за итни случаи биле повикани на плажата Малакахана околу 13 часот по локално време.

Пери, кој исто така бил спасител, бил прогласен за мртов од болничарите откако бил донесен на брегот на џет ски.

Тој глумеше во Пиратите од Карибите, поточно во четвртиот филм од франшизата.

Пери глумеше и во Lost, Hawaii Five-0, Blue Crush и Charlie’s Angels 2, а се појави и во реклама за Кока-Кола.

Градоначалникот Рик Бланџарди ја нарече смртта на Пери „трагична загуба“.