Претседателот на шпанската Ла Лига, Хавиер Тебас, го возврати ударот кон Реал Мадрид поради извештаите дека „кралскиот клуб“ подготвил извештај за УЕФА, во кој се наведени наводни судиски грешки во корист на Барселона во врска со случајот „Негреира“.
„Сè уште не сум го видел извештајот, но навистина сакам да го прочитам. Љубопитен сум за периодот од кој се вклучени жалбите и дали се опишани грешките против сите клубови, вклучително и самиот Реал Мадрид. Ако постои клуб кој нема право да се жали на судењето, тоа е Реал Мадрид“, рече Тебас.
Во 2023 година, Барселона беше обвинета за исплати на поранешниот потпретседател на Техничкиот комитет на судии (CTA), Хозе Марија Негреира. Според истрагата, Каталонците префрлиле околу 8,4 милиони евра помеѓу 2001 и 2018 година.
Барселона тврди дека Негреира работел како надворешен консултант и подготвувал технички извештаи за судење. Тој самиот категорично негира дека примил средства за да влијае на одлуките на судиите.
Извор: vecer.mk
