Шефот на „Вагнер“, Евгениј Пригожин, во петокот рече дека неговите единици практично го опколиле Бахмут, но во неделата тој се пожали дека поголемиот дел од муницијата што Москва им ја ветила сè уште не била испорачана. Предупреди дека со повлекувањето на неговите трупи од Бахмут ќе се загрозат позициите на руската војска
Шефот и основач на паравоената формација „Вагнер“, Евгениј Пригожин, предупредил дека неговите трупи ќе се повлечат од источниот украински град Бахмут ако Москва не им ја испорача ветената муниција. Со повлекувањето на „Вангер“ од Бахмут, рекол тој, позициите на руската војска ќе бидат загрозени.
„Ако ‘Вагнер’ сега се повлече од Бахмут, целиот фронт ќе се урне. Ситуацијата нема да биде убава за сите воени формации кои ги штитат руските интереси“,
рекол Евгениј Пригожин во видеото објавено викендов, пренесе Ројтерс.
Шефот на „Вагнер“ во петокот рече дека неговите единици практично го опколиле Бахмут, но во неделата тој се пожали дека поголемиот дел од муницијата што Москва им ја ветила сè уште не била испорачана.
„Засега се обидуваме да ја откриеме причината: дали е тоа обична бирократија или предавство“,
рекол Пригожин.
Тој во видеообраќањето на неговиот канал на Телеграм, како што додава Ројтерс, кажал дека ако неговите трупи се повлечат, тие засегогаш ќе бидат запамтени како луѓе кои го направиле главниот чекор кон губење на војната.
Пригожин редовно ги критикува шефовите на руската одбрана и главните генерали на Русија. Минатиот месец тој го обвини министерот за одбрана Сергеј Шојгу и другите за „предавство“ за задржување на испораките на муниција на неговите луѓе.
Извор: 360stepeni.mk
