Доколку Аксел Витсел настапи в петок на мечот против нашата фудбалска репрезентација во Гент, тој ќе го сруши рекордот во репрезентацијата кој постои повеќе од еден век.
Според белгиските медиуми, Витсел би можел да стане репрезентативецот на Белгија кој ќе има најдолг стаж во историјата на националниот тим, рекорд што моментално го држи Хектор Гетинк. Поранешниот играч од средниот ред на Клуб Бриж помина 6.402 дена – 17 години и шест месеци – меѓу неговиот прв избор во репрезентацијата во 1906 година против Франција и неговиот последен во 1923 година против Англија.
Аксел Витсел, кој го имаше своето деби за репрезентацијата на 26 март 2008 година во пријателски натпревар против Мароко (1-4), би можел да го надмине Гетинк со 6.408 дена меѓу неговиот прв и последен настап ако игра против Македонија.
Извор: vecer.mk
