Мицкоски и денеска не кажа со кои американски компании се договорил, наместо тоа се пожали дека хотелот во кој спиел имал само 3+ sвездички

January 24, 2025
1 min read

На повикот на СДСМ да каже кои се компаниите од САД кои ги убедил да инвестираат во Македонија, премиерот Христијан Мицкоски, денеска од увидот на градежни активности во Петровец, рече дека неговата посета на Америка била историска и многу корисна за граѓаните зашто земјава влегла во, ‘оптиката на луѓето кои имаат најгласен звук во периметарот на претседателот Трамп. Убеден сум дека по ова Македонија е дел од оптиката на новата администрација’.

„Имавме средби кои беа видливи и објавени во јавноста, но и средби со луѓе кои во наредниот период ќе имаат високи улоги во периметарот на претседателот Трамп. Секој оној кој ќе се бори и избори за внимание на оптиката на администрацијата на Трамп ќе влезе во таа оптика. Ние сакаме да се избориме и затоа бевме таму. Да се претставие кои сме и што сме, затоа отидовме, нема втора шанса за прв впечаток. Направивме историски средби и историска посета“, рече Мицкоски.

Тој кратко најави дека допрва граѓаните ќе слушнат за компаниите, а се пожали дека опозицијата ‘измислува’ хотели каде спиел.

„Тоа е само дефокус на периферна тема, ниту сум спиел таму, ниту… Спиев во хотел со 3+ ѕвезди, а хотелот кој го прикажуваа е хотел во кој Крис Павловски организираше средба за дигитализација на Македонија“, рече премиерот.

Од СДСМ сметаат дека посетата на Мицкоски на САД, требаше да биде мисија од висок ранг, а не евтина ПР фарса.

„Нека излезе ВМРО-ДПМНЕ и нека каже кои се компаниите од САД кои Мицкоски ги убедил да инвестираат откако претседателот Трамп потпиша указ за оданочување на оние американски компании кои ќе инвестираат во странство. Ова патување не донесе ниту еден конкретен бенефит за државата, а јавноста со право прашува колку чинеше оваа ПР фарса и што добија граѓаните“, го повикаа Мицкоски.

Премиерот за целото време на посетата на Америка објавуваше фотографии од средби, но не со високи претставници на новата американска администрација, туку со бизнисмени или новинари.

Тој не беше присутен во Ротондата на Капитол Хил каде се одржа чинот на втората инаугурација на Доналд Трамп.

Мицкоски, настанот го следеше, како и што самиот објави од ложа во спортска сала во Вашингтон.

ИЗВОР: racin.mk

MARKETING

MARKETING

MARKETING

Претходно

Српскиот патријарх Порфириј во понеделник доаѓа во Скопје: Со г.г. Стефан ќе присуствува на Светосавската академија

Следно

Таравари на пациентите им вети лекови на Онкологија до крајот на наредната недела

Latest from Blog

Трамп најави мерки против Колумбија

Американскиот претседател Доналд Трамп денеска изјави дека ќе побара воведување царини, визни ограничувања и други мерки кон Колумбија, откако Богота не дозволи слетување на два лета со илегални мигранти депортирани од САД.

Пет години од огромната трагедија: На денешен ден загина Коби Брајант

На денешен ден пред точно пет години, животот го загуби еден од најголемите кошаркари на сите времиња, Коби Брајант. Легендата на светската кошарка загина во хеликоптерска несреќа заедно со уште девет лица,

РФМ: Македонија треба да биде горда бидејќи има светла ракометна иднина

Нашето мундијалско патување заврши, со насмевки и исполнети срца го напуштивме Вараждин. Македонија треба да биде горда, бидејќи има светла ракометна иднина, порачуваат од Ракометната федерација на Македонија. -Машката ракометна репрезентација на

Томовски: Работиме на проекти за сите категории граѓани, поврзување на Водно со центарот на градот, промоција на Македонско село и нови факултети за студентите

Во поткастот „ВМРО-ДПМНЕ Зборува“ оваа недела гостуваше директорот на Службата за општи и заеднички работи и член на ЦК на ВМРО-ДПМНЕ, Ивица Томовски кој најпрво се осврна на состојбите со кои се
Go toTop