Ана Маријановиќ, онколошки пациент од здружението Хема Онко во 24 анализа рече дека срамно е во држава која има повеќе од 300 000 административни работници да нема соодветен регистар на пациенти заболени од рак. Според неа, со правилна распределба на тој кадар, регистарот би можел да се формира за помалку од 6 месеци.
„Во држава со 300 000 административци не можеме да најдеме по тројца луѓе на клиника што ќе можат да бидат обучени и да го работат тој регистар и да внесуваат трошење на лекови. Сигурна сум дека меѓу сите овие административци има и некој со медицинска позадина кој би можел да помогне.Ова се работи заради кои што се вртиме во круг“, рече Маријановиќ.
Таа потенцираше и дека доколку има соодветни регистри, здруженијата кои се борат за правата на лицата болни од рак би можеле да реагираат соодветно и да бараат навремено доставување на лекови.
Извор: 24vesti.mk
