Ердоган: Туркије е подготвена да го поддржи решавањето на спорот Руанда – ДР Конго

January 23, 2025
1 min read

ИСТАНБУЛ (АА) – Претседателот на Република Туркије, Реџеп Таип Ердоган, денеска изјави дека неговата земја е подготвена да ја даде сета потребна поддршка за решавање на спорот меѓу Руанда и Демократска Република Конго, доколку тоа го сакаат и двете страни, известува Анадолу.

„Ние, како Туркије, сме подготвени да ја обезбедиме сета потребна поддршка за решавање на ова прашање, што ќе придонесе за стабилноста и мирот во регионот на Големите Езера, доколку двете страни го сакаат тоа“, рече Ердоган по средбата со претседателот на Руанда, Пол Кагаме, во Анкара.

Конго ја обвинува соседна Руанда дека ја поддржува бунтовничката група М23, која започна востание во источно Конго во 2022 година. Руанда ги отфрла овие обвинувања.

– Руанда е една од земјите што даде најбрза поддршка во борбата против ФЕТО

Ердоган ги пофали напорите на Руанда во борбата против терористичката организација ФЕТО. Претседателот на Туркије истакна дека Руанда е една од земјите што даде најбрза поддршка во борбата против ФЕТО, која го организираше неуспешниот обид за воен удар во Туркије на 15 јули 2016 година. За време на обидот за државен удар животот го загубија 252 лица, а 2.734 беа повредени.

Терористичката организација ФЕТО стои зад долгорочната кампања за соборување на државните структури на Туркије преку инфилтрација на терористи во државните институции, особено во Армијата, полицијата и судството. Туркије ја предупредува меѓународната заедница дека терористите на ФЕТО претставуваат закана за сите земји во кои дејствуваат.

Ердоган и Кагаме присуствуваа и на церемонијата на потпишување четири билатерални договори за соработка меѓу Туркије и Руанда.

Станува збор за договори за соработка меѓу Агенцијата за радиодифузија на Руанда (РБА) и Турската радио и телевизиска корпорација (ТРТ), за соработка во истрагите за несреќи, за соработка во областа на медиумите и комуникациите и за соработка меѓу Дирекцијата за одбранбени индустрии на Туркије и Министерството за одбрана на Руанда.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Мукаетов: Нашите ракометари се вистински пример како треба сите да се бориме за Македонија

Следно

Објавени номинациите за Оскар

Latest from Blog

Земјотрес во Струмица и Валандово

Денеска во 13:35 часот, телеметриската мрежа на Сеизмолошката опсерваторија при Природно-математичкиот факултет во Скопје регистрираше земјотрес со локална магнитуда од 2,9 степени според Рихтеровата скала. Епицентарот бил во епицентралното подрачје Валандово, на

Израел го проширува военото присуство во јужниот дел на Сирија со 10 бази, жителите се раселени

ДАМАСК/ИСТАНБУЛ (АА) – Израелската армија последните три месеци воспостави шест нови бази во јужните сириски провинции Кунејтра и Дараа, дополнително проширувајќи го своето воено присуство прекршувајќи го Договорот за раздвојување од 1974

Земјотрес во Валандово, се почувствувал и во Струмица

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, денес во 13 часот и 35 минути регистрираше земјотрес

Фондацијата „Заедно за едно“ им пружи прва помош на најпогодените од кочанскиот пожар

Првата транша на финансиска и медицинска поддршка за жртвите од катастрофалниот пожар што ја потресе Кочани на 16 март веќе е распределена. Фондацијата „Заедно за едно“, формирана од Македонската банкарска асоцијација, им
Go toTop