Со цел успешна реализација на инвестицијата од страна на Вабтек, директорот на ТИРЗ, Гоце Димовски, имаше редовна координативна средба со Паоло Босио, генерален директор на компанијата. Средбата главно беше насочена кон постигнатите резултати, како и кон следните чекори за имплементација на проектот.
Директорот Димовски го потенцираше значењето на инвестицијата на Вабтек, земајќи предвид дека истата е веќе присутна на македонскиот пазар. Од негова страна, беше изразена заложбата и посветеноста на дирекцијата за ТИРЗ, како институција која активно работи за подобрување на условите за инвестирање.
Генералниот директор на Вабтек, Паоло Босио, изрази особена благодарност за досегашната поддршка од страна на владата и дирекцијата за ТИРЗ. Со оглед на тоа што проектот напредува според планот, тој ја нагласи важноста за континуирана соработка, која директно носи придобивки за сите вклучени страни.
Овој проект и напредокот на истиот е доказ за вистинската заложба на дирекцијата за ТИРЗ, која продолжува и понатаму во соработка со владата да работи на создавање поволна инвестициска клима.
ИЗВОР: kurir.mk
