Новинарката Соња Крамарска во Аргумент плус рече дека со доаѓањето на Трамп очекува пресврт во војната меѓу Русија и Украина но не очекува големи пресврти во поглед на Балканот.
„Мислам дека Трамп ќе ги седне на преговарачка маса Русија и Украина бидејќи оваа војна трае предолго. За нас најважно е како ќе се позиционира новата администрација во поглед на нашето најважно прашање а тоа е ЕУ“, рече Крамарска и додаде дека очекува средбата меѓу Русија и Украина да биде во Турција бидејќи и двете држави имаат пријателски однос со Турција.
Според неа новата администрација на Трамп иако има зацртани свои цели и планови потребно е да се фокусира и на традиционалното водење на државата бидејќи правењето отстапки може да влијае негативно.
„Во кабинетите на административците на Трамп веќе ги чекаат нивните обврски кои имаат традиционална позадина. Ако ја сменат политиката тоа ќе предизвика политички земјотрес“, додаде Крамарска.
Извор: 24vesti.mk
