Поради кризата во СДСМ, им предлагам дека е најдобро да си формираат внатрепартиски кризен штаб за да започнат со длабоки реформи во нивните редови, а со цел да го сузбијат енормниот криминал кој го имаат сторено, да ги санкционираат нивните структури кои правеле криминал и ги донеле претпријатијата во ваква состојба за време на нивното владеење, посочува Петар Милетиќ, директор на ЕСМ Дистрибуција на топлинска енергија.
-Исто така, им препорачувам да си формираат и еден кризен штаб кој ќе им дава точни податоци за ситуациите настанати во државава. Уште еднаш потенцирам дека дефектот беше бајпасиран во рок од неполни два часа и на граѓаните на Град Скопје експресно им се нормализираше испораката на топлинска енергија. Дополнително, еден мал дел вонредно се санира поради негрижата од претходното раководство на ЕСМ Дистрибуција на топлинска енергија, назначено од СДС и ДУИ, истакна тој.
ИЗВОР: kurir.mk
