Ракометниот репрезентативец, Жарко Пешевски по денешната победа против Гвинеја истакна дека натпреварот не бил рутински и лесен, но најважно е дека ја израдувале македонската јавност.
-Одигравме потешко од очекуваното, но искуството и квалитетот си го направија своето. Заслужено победивме, изјави Пешевски по натпреварот.
Во однос на натпреварите во втората фаза од Мундијалот каде Македонија ќе се сретне со Франција, Австрија и Катар, Пешевски истакна дека тие се одлични противници.
-Овие екипи бараат голема подготвеност пред се. На добар пат сме, ќе продолжиме да се бориме и да ја радуваме публиката, нагласи македонскиот репрезентативец.
Извор: kurir.mk
