Музичката платформа „Терапија“ објави дека режисерот Милчо Манчевски ќе го потпише видео-материјалот од мултимедијалниот настан „Нова надеж“, кој се одржа на Спомен-костурницата во Велес. Манчевски ќе подготви уникатно видео од перформансот што беше одржан на 11 Октомври – Денот на народното востание.
Како што велат од „Терапија“, Манчевски на овој начин сака да ја изрази и својата поддршка за платформата, која според него, е меѓу најдобрите која се труди да го зачува и оживее македонското културно наследство. Видео-материјалот, истакнуваат од „Терапија“ ќе биде и еден вид благодарност кон актерите кои беа дел од настанот, Игор Џамбазов, Камка Тоциновски и Тони Михајловски, како и кон DJ артистите, Ивана Драгшиќ и Александар Гроздановски – HERZEL.
Со настанот „Нова надеж“ беа одбележани 45. години од Спомен-костурницата во Велес или македонската „Герника“, како што многумина ја нарекуваат заради монументалниот мозаик на Петар Мазев, „Терапија“, според нивните зборови, го трасираше и патот кон кој треба да продолжиме, со многу креативност, мултимедијалност и заштита на она е македонско и автентично.
ИЗВОР: racin.mk
