Македонците што се стекнале со пасош во рамки на аферата ќе може да ги задржат своите документи, но не се исклучува можноста да треба да платат казна, поради злоупотреба на постапката за вадење државјанство велат правните познавачи.
Откако поранешниот кмет на бугарското село Рилци Живко Чукарски ја призна вината за овозможување на скоро 250 македонци да добијат фиктивни адреси и добијат бугарски пасош. За овој документ се давало по 1000 евра за македонците додека пак граѓани на Косово плаќале и до 5000 евра.
Чукарски по склучената спогодба со Окружното обвинителство во Благоевград кое кон средината на октовмври лани покрена обвинение доби 18 месеци условна затворска казна како и парична гаранција од 5000 лева.
– Во регионалниот Благоевградски суд е поднесен обвинителен акт против Ж.Ч кој сторил кривично дело во период од 04 06 2015 до 19 09 2019 во селото Рилци, општина Благоевград, регион Благоевград како функционер – градоначалник на градското собрание во с. Рилци. Во рамки на својата служба изготвил и потпишал 246 потврди за постојана адреса на живеење за македонски државјани, иако тие не живееле во селото и не доставиле потребни документи за регистрација. – пишува во обвинението против Чучарски.
Според истрагата, во селата Рилци и Бело Поле, регистрирани биле десетици илјади македонски државјани со фиктивни адреси. Постојат индиции дека биле ангажирани и посредници кои помагале во изготвувањето на овие документи. Иако некои фиктивни регистрации се откажани, проблемот со лажните адреси продолжува да биде актуелен
Земањето на бугарски пасоши е единствениот излез на македонските граѓани за подобар живот, наспроти кажувањата од источниот сосед дека тие се бугари и имаат бугарска самосвест.
Извор: 24vesti.mk
