„Русија внимателно ги следи територијалните претензии на САД кон Гренланд, Канада“

МОСКВА (АА) – „Русија има интереси на Арктикот“, соопшти официјален Кремљ, известува Анадолу.

Ова го изјави портпаролот на Кремљ, Дмитриј Песков, како одговор на заканите на Доналд Трамп дека воено ќе го заземе Гренланд.

Песков изјави дека Русија, која има најдолго крајбрежје од сите земји лоцирани во арктичката зона, внимателно ги следи драматичните случувања, за кои, како што наведе, Кремљ засега, за среќа, останува на ниво на изјави.

„Арктикот е исто така област на нашите национални интереси. Сакаме да го одржиме мирот и стабилноста во регионот на Арктикот“, истакна Песков.

Песков наведе дека треба да се консултираат граѓаните на Гренланд за тоа што сакаат. Во исто време, тој потсети на руската анексија на четири украински региони во 2022 година врз основа на референдуми што Украина и нејзините западни сојузници не ги признаваат.

„Би требало да покажеме иста почит кон мислењето на овие луѓе“, додаде Песков.

Портпаролот на Кремљ рече дека американските обиди за стекнување на Гренланд, кои датираат уште од 19 век, се работа на Соединетите Држави и Данска, но додаде дека Европа на зборовите на Трамп реагира „многу претпазливо“.

„Европа реагира претпазливо, тивко, речиси со шепот. Се разбира, се плаши да каже нешто за зборовите на Трамп“, нагласи Песков.

Ставовите на Москва дојдоа по неодамнешните тврдења на новоизбраниот американски претседател Доналд Трамп за заземање на Гренланд, контрола на Панамскиот канал, анексија на Канада и преименување на Мексиканскиот залив во Американски залив, со што ја вознемири меѓународната заедница.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.