Трошоците за животот во 2024 година, во однос на 2023 година, бележат пораст од 3.5 отсто, а цените на мало од 3.8 проценти, соопшти Државниот завод за статистика. Во декември 2024, пак, во споредба со истиот месец од 2023 година, трошоците за живот се зголемени за 4.4, а цените на мало за 4.3 отсто. Движењето на индексот на трошоците за животот во 2024 година беше различно кај одделни групи на потрошувачката. Пораст на индексите е забележан во сите групи: ресторани и хотели за 9.9%, здравство за 5.3%, разновидни стоки и услуги за 5.1%, Мебел, покуќнина 3.8%, облека и обувки за 3.1%, храна и безалкохолни пијалаци за 2.9%. Цените на мало се зголемени за 3,8% додека во декември во однос на ноември 2024 година бележат раст од 1.2%. Стапката на инфлација во декември е 4,4%, соопштија од Државниот завод за статистика.
ИЗВОР: ТВ 21
