Сменето обвинението против Алек Болдвин: Наместо минимум 5 години, сега може да добие најмногу 18 месеци затвор

February 20, 2023
1 min read

Обвинителството вели дека приоритет му е да обезбеди правда, а не работни часови на адвокатите и ова го прави за да спречи одбраната дополнително да го одолговлекува случајот со приговори откако адвокатите на актерот го оспоруваа обвинението тврдејќи дека за околноста за употреба на огнено оружје Болдвин се гони според законски измени кои се донесени по инцидентот на филмскиот сет

Photo: EPA-EFE/JUSTIN LANE

Обвинителството во Санта Фе, Ново Мексико, го промени обвинението против актерот Алек Болдвин. Тоа се откажа од обвинувањата за употреба на огнено оружје, па сега на актерот ќе му се суди само за убиство од небрежност.

Со претходното обвинение, на Болдвин му се закануваа минимум пет години затвор, но по промената на обвинението сега тој може да добие максимални 18 месеци затвор. Американските медиуми наведуваат дека судот може да му изрече и поблага казна, дури и условна осуда.

Болдвин се гони за убиство од небрежност на директорката на фотографија Халина Хачинс која ја застрела за време на филмски сет на филмот „Раст“ (Rust) во октомври 2021 година. Во инцидентот беше ранет и филмскиот режисер Џоел Соуза.

Портпаролката на окружниот обвинител во Санта Фе, Хедер Бруер рече дека обвинителството го променило обвинението за да избегне дополнителни одолговлекувања на процесот од страна на одбраната – од Болдвин и неговите адвокати.

„Приоритет на обвинителството е обезбедување на правдата, а не обезбедување работни часови за адвокатите од големите градови“,

изјави Бруер.

Ова следува откако одбраната го оспоруваше обвинението во делот за употребата на огнено оружје велејќи дека обвинителството го гони актерот за оваа околност според законски измени кои се донеле седум месеци по инцидентот во октомври 2021.

Претходно адвокатите на Болдвин настапија со одбрана и дека нивниот клиент немал причина да верува дека има вистински куршум во пиштолот бидејќи верувал дека професионалците задолжени за оружјето на филмот си ја завршиле работата.

Извор: 360stepeni.mk

MARKETING

MARKETING

Претходно

(ВИДЕО) Ново издание на 360°: Недвижниот имот на Мијалков конфискуван во „Империја“ вреди двојно помалку од првично соопштеното

Следно

(ВИДЕО) Во синоќешните земјотреси во Турција и Сирија загинаа најмалку 11 лица

Latest from Blog

Гладот, главната причина за смртта на палестинското дете во израелскиот затвор

РАМАЛА (АА) – Откриено е дека гладот е главната причина поради која палестинското дете починало во израелскиот затвор пред околу 2 недели, известува Анадолу. Во заедничкото соопштение на Комитетот за затвореници и

Со мопед удри осумгодишно дете во Бутел: Пронајден возачот и ќе биде кривично гонет!

Во врска со видеото кое беше објавено на социјалните мрежи на кое се гледа мопед како удира дете и го напушта местото на настанот, Министерството за внатрешни работи ја известува јавноста дека

Италија: Вулканот Етна исфрла пепел и лава

РИМ (АА) – Етна, еден од активните вулкани на југот на Италија, исфрла пепел и лава, известува Анадолу. Според информациите до кои дојде дописникот на АА од локални извори, вулканската активност на

Претседателката Сиљановска ги посети повредените од пожарот кои се лекуваат во Софија

Во Софија денеска претседателката Гордана Сиљановска-Давкова ги посети повредените од пожарот во Кочани, кои се лекуваат во болницата „Пирогов“. Во Бугарија вкупно се наоѓаат 14 пациенти, од кои девет се во болницата
Go toTop