Речиси половина од населението во државава живее во сиромаштија. Во Охрид на раб на егзистенција се околу 600 семејства кои се пријавени во службите.
Граѓаните велат сиромаштијата се продлабочува, живеачката е тешка и скапа.Сега за празниците е дополнително воочлива, кога се’ сака да се купи од се по нешто, но не стигнуваат пари.
Во Охрид семејствата од социјален ризик пријавуваат потреба од храна, облека, лекови, огрев, не можат да ги платат сметките за струја и вода. Од Охридскиот Црвен Крст велат волонтерите редовно ги посетуваат ранливите граѓани се со цел да им го олеснат секојдневието.
Од службите апелираат граѓаните кои се во можност и сакаат да донираат храна, прехрамбени производи хигеински препарати, финансии и огрев кои подоцна ќе завршат во семејствата каде им се најпотребни.
Извор: 24vesti.mk
