Палестинец убиен при израелска рација во окупираниот Западен Брег

ЏЕНИН (АА) – Еден Палестинец е убиен во рација на израелската армија во градот Џенин на окупираниот Западен Брег, известува Анадолу.

Палестинското Министерство за здравство објави дека израелската армија извршила рација во појасот Мислун, јужно од Џенин.

Во инцидентите што се случија за време на рацијата животот го загуби Палестинецот Хасан Али Рабија (40).

Според информациите добиени од очевидци, по рацијата на израелските војници, во градот било испратено засилување.

Израелските сили опколиле куќа во градот и употребиле огнено оружје.

Од 7 октомври 2023 година, кога Израел ги започна геноцидните напади врз Појасот Газа, зголемен е бројот на притворања, рации и напади врз Палестинците во окупираниот Западен Брег и во Источен Ерусалим.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.