Бајден со воз патувал од Полска до Киев, на Зеленски му ветил дополнителна воена помош и нови санкции против Русија

February 20, 2023
2 mins read

Тајното патување на Бајден во Украина е направено со воз од границата со Полска, пишува „Њујорк тајмс“

Денеска сум во Киев за да се сретнам со претседателот Зеленски и да ја потврдам нашата несомнена посветеност на украинската демократија, суверенитет и територијален интегритет. Кога Путин ја започна инвазијата пред речиси една година, мислеше дека Украина е слаба, а Западот е поделен. Мислеше дека ќе издржи подолго од нас. Многу погреши, рече Бајден

ФОТО: EPA-EFE/UKRAINIAN PRESIDENTIAL PRESS SERVICE HANDOUT

„Неверојатно е што те видам“, му рече американскиот претседател Џо Бајден на својот украински колега Володимир Зеленски при пристигнувањето во Киев. Бајден изјави дека во главниот град на Украина дошол за да ја потврди несомнената поддршка за Украина и најави не само нов пакет воена помош во вредност од 500 милиони долари, туку и нови санкции против Русија.

Тајното патување на Бајден во Украина е направено со воз од границата со Полска, пишува „Њујорк тајмс“.

Посетата на Киев остана тајна поради безбедносни причини. Извештаите, исто така, велат дека Бајден го напуштил Вашингтон без најава откако тој и неговата сопруга Џил имале вечера во ресторан. Официјални лица негираа дека Бајден ќе ја посети Украина за време на неговото планирано патување во Источна Европа.

„Додека светот се подготвува да ја одбележи првата годишнина од руската брутална инвазија на Украина, денеска сум во Киев за да се сретнам со претседателот Зеленски и да ја потврдам нашата несомнена посветеност на украинската демократија, суверенитет и територијален интегритет. Кога Путин ја започна инвазијата пред речиси една година, мислеше дека Украина е слаба, а Западот е поделен. Мислеше дека ќе издржи подолго од нас. Многу погреши“,

рече Бајден.

Бајден потврдил нова донација на воена опрема за Украина и додал дека подоцна оваа недела неговата администрација „ќе објави дополнителни санкции против руските елити и компании кои се обидуваат да и помогнат на руската воена машина“.

Обраќајќи им се на новинарите заедно со украинскиот претседател Володимир Зеленски, тој најави дека пакетот ќе вклучува воена опрема – артилериска муниција, хаубици и рачни противтенковски ракети.

ФОТО: EPA-EFE/UKRAINIAN PRESIDENTIAL PRESS SERVICE HANDOUT

Во своето обраќање, Бајден зборуваше за издржливоста на украинската армија во моментот кога војната влегува во втората година:

„Една година подоцна, Киев е сè уште тука. Украина е сè уште тука. Демократијата е сè уште таму“,

изјави Бајден кој се сретна со украинскиот претседател Зеленски и неговата сопруга Олена Зеленски во претседателската резиденција во главниот град на Украина.

Посетата беше спроведена во целосна тајност од безбедносни причини, а претставници на Белата куќа со денови негираа дека Бајден планира да ја премине украинската граница.

По американскиот претседател Џо Бајден, пред новинарите во Киев се обрати и украинскиот претседател Володимир Зеленски, кој рече дека денешните разговори со неговиот американски колега биле клучни и плодни.

„Се надеваме дека оваа година ќе стане година на победа. На Украина и претстои многу тежок период. Со помош на САД и остатокот од светот ќе се постигнат „историски достигнувања“. Денешните преговори беа важни, многу плодни и клучни, тие дефинитивно ќе се почувствуваат на бојното поле“,

рече Зеленски додавајќи дека ќе продолжи да прави сè што е можно демократскиот свет да ја добие оваа историска битка.

Украинскиот претседател рече дека со Бајден разговарал и за испраќање оружје со долг дострел, како и за друго оружје што Украина се уште не го добила.

Бајден пристигна во Киев во 8 часот по локално време и тој беше пречекан од американската амбасадорка во Украина, Бриџит Бринк.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Полицијата на терен – се вршат антитерористички проверки на скопскиот аеродром

Следно

МАЛМЕД издаде одобрение за увоз на лекот „Трикафта“

Latest from Blog

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна

Македонија меѓу земјите со важни наоѓалишта на критични минерали, ЕУ ја препознава стратешката вредност на бакарот

Нова анализа на Институтот за безбедносни студии на ЕУ го издвојува Западниот Балкан како важен регион за идното снабдување со минерални суровини Македонија располага со значајни наоѓалишта на критични минерали кои можат
Go toTop