Египетскиот фудбалер на Ливерпул, Мохамед Салах се најде на удар на навивачите откако објави семејна фотографија пред новогодишна елка.
Триесет и двегодишниот фудбалер е муслиман, а во исламската традиција не е вообичаено да се слави Божиќ. Во коментарите на фотографијата, многу корисници на Интернет го критикуваа Салах, нарекувајќи го, меѓу другото, предавник на својата религија.
Салах игра за Ливерпул од 2017 година. Претходно беше објавено дека играчот е блиску до продолжување на договорот со англискиот клуб до 2027 година.
Оваа сезона напаѓачот одигра 24 натпревари за Ливерпул на сите турнири, на кои постигна 18 гола и 15 асистенции.
Извор: kurir.mk
