Обвинителството за гонење на организиран криминал и корупција достави мислење до Kривичниот суд во врска со примената на Законот за амнестија за дел од обвинетите во случајот „Организатори на 27ми април“.
Ова произлегува од напатствијата на Апелацискиот суд, кој наложи судот да се изјасни за важењето на амнестијата. Според обвинителството, барањето на одбраната за примена на законот е основано, особено имајќи предвид дека дел од обвинетите и осудените веќе добија амнестија. Меѓутоа, во своето мислење, обвинителството утврди дека тројца обвинети ги исполнуваат условите за амнестија, додека кај еден обвинет не може да се примени овој институт поради законските исклучоци.
Обвинителството нагласи дека судот е конечниот арбитер и ќе ја донесе одлуката врз основа на сопствено убедување.
Притоа, мислењето беше донесено водејќи сметка за правната аргументација и обележјата на кривичното дело „Терористичко загрозување на уставниот поредок“.
ИЗВОР: ТВ 21
