По 24-ти пат е накитена новогодишната елка во водите на Охридското Езеро

Нуркачите од Нуркачкиот центар „Амфора“ од Охрид со поддршка на волонтерите на охридскиот Црвен крст денеска по 24-ти пат ја накитија новогодишната елка во водите на Охридското Езеро.

Верни на традицијата, нуркачите од Нуркачкиот центар „Амфора“ од Охрид, и годинава ја накитија новогодишната елка под вода кај Заливот на Коските во Охрид.

Ова е нивниот уникатен начин со кој тие им ја честитаат Новата 2025 година и Божиќните празници на сите граѓани на Република Северна Македонија.