ГАЗА (АА) – Израелските сили извршија напади врз различни делови на Појасот Газа, во кои се убиени 19 Палестинци, а многумина се повредени, објавија денес локалните медиуми, јавува Анадолу.
Дирекцијата за цивилна одбрана соопшти дека воздушните напади врз населбата Сабра во јужниот дел на градот Газа биле насочени кон домовите на семејствата Абу Шанаб, Кијали и Ал-Лав, при што биле убиени девет лица, а многумина се повредени.
Здравствени извори соопштија дека израелски беспилотни летала нападнале два мотоцикла во јужниот дел на Газа, при што се убиени три лица.
Во одделни воздушни напади врз централниот дел на градот Газа и врз јужниот град Рафа убиени се шест лица и ранети се голем број Палестинци.
Според локалните извештаи, во израелскиот напад со беспилотно летало врз Деир ал Балах во центарот на Газа убиено е едно лице, а има и повредени.
Израел на 7 октомври 2023 година започна геноцидна војна во Газа убивајќи повеќе од 45.100 Палестинци, главно жени и деца.
Меѓународниот кривичен суд минатиот месец издаде налози за приведување на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Израел е обвинет за геноцид пред Меѓународниот суд на правдата за неговата војна против Газа.
Извор: Anadolu Agency (AA)
