Ирак врати 1.905 сириски војници во татковината

Ирак денес објави дека вратил 1.905 сириски војници, кои побарале засолниште во земјата ден пред падот на режимот на Башар Асад, известува Анадолу.

Нивното оружје останало во Ирак, чекајќи пренос на новата сириска влада, кога таа ќе биде формирана, се вели во соопштението на ирачката Заедничка оперативна команда.

Во соопштението, објавено од официјалната ирачка новинска агенција (ИНА), се открива дека војниците, вклучително и офицери и персонал стационирани на граничниот премин Ал Букамал, неодамна побарале засолниште во Ирак.

„На 7 декември сирискиот воен персонал, вклучително и офицери, војници и стражари на преминот Ал Букамал, влегле во Ирак барајќи засолниште поради неодамнешните настани во Сирија“, се вели во соопштението.

Ирачките вооружени сили им дозволиле да влезат од хуманитарни причини откако добиле службено одобрение.

Башар Асад, лидер на Сирија речиси 25 години, избегна во Русија откако антирежимските групи ја презедоа контролата врз Дамаск на 8 декември, ставајќи крај на режимот на партијата Баас, која беше на власт од 1963 година.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.